Responsive image
English site
English site

දිනය: 17-09-2019 | වේලාව: ප.ව 12:02 | 67

අසත්‍ය ප්‍රචාරවලට එරෙහිව නීති සකස් කරනවා

අසත්‍ය ප්‍රචාරවලට දැඩි දඬුවම් ලබා දීමේ නීති සකස් කරන බව අධිකරණ හා බන්ධනාගාර ප්‍රතිසංස්කරණ අමාත්‍ය තලතා අතුකෝරළ මහත්මිය පවසයි.

දේශපාලනය ඔළුවේ තබාගෙන වැඩ කිරීම යෝජ්‍ය නොවන බවද අමාත්‍යවරිය මෙහිදි පැවසීය.  

අමාත්‍යවරිය මෙම අදහස් පළ කළේ ළඟම පාසල හොඳම පාසල වැඩ සටහන යටතේ පාසල් ගොඩනැගිලි 500 ක් විවෘත කිරීම යටතේ බලංගොඩ කුමර විද්‍යාලයේ නව දෙමහල් පන්ති කාමර ගොඩනැගිල්ල සිසු අයිතියට පත් කිරීමේ අවස්ථාවට ඊයේ (16) පස්වරුවේ එක්වෙමිනි.

වත්මන් රජය බලයට පත් වු විඟස ඇති කළේ මාධ්‍ය නිදහස බවදත් නමුත් ඒ තුලින් අසත්‍ය ප්‍රකාශ දිගින් දිගටම සිදු කරන බවටද අමාත්‍යවරිය එහිදි චෝදනා කළේය.

ඒ අනුව වැඩියෙන්ම විවේචනයට ලක් වන්නේ ජනාධිපතිවරයා, අගමැතිවරයා සහ අමාත්‍ය මණ්ඩලයේ පිරිස බවද ඇය පවසයි.

කුමක් වුවද ඕනම දේකට තමන් සුදානම් වී වැඩ කරන බවද එලෙස කටයුතු කරන්නේ රටේ අනාගතය ගැන සිතමින් බවත් අමාත්‍යවරිය ප්‍රකාශ කළේය. 

එහිදී තවදුරටත් අදහස් පළ කළ අමාත්‍යවරිය,

" අපි දන්නවා එක කාලයක තිබ්බා අධ්‍යාපනය සම්පුර්ණයෙන්ම දේශපාලනීකරණය වෙලා තිබුණා.

විදුහල්පතිකම ලැබුණේ ප්‍රදේශයේ දේශපාලන බලවතාගේ අවශ්‍යතාවය අනුවයි.

අද අපිට සන්තෝෂයෙන් කියන්න පුළුවන් දැන් එහෙම නැහැ. විශේෂයෙන්ම ඉදිරියට සියලු දෙනා දැනුවත් වෙයි රජයේ හෝ පුද්ගලික අංශයේ රැකියා ලබා ගන්න කොට වසර 13 ක පාසල් අධ්‍යාපනය අනිවාර්ය වෙනවා.

එදා අපේ අගමැතිතුමා අධ්‍යාපන අමාත්‍යවරයා වශයෙන් ඉන්න කොට විද්‍යා පීඨ සංකල්පය ඇති කළා.

අද භේදයකින් තොරව හැම දෙනාම ඒ දේවල් වල ප්‍රතිලාභ ලබනවා.

අද අපි අධ්‍යාපන විෂයමාලාවට නීතිය විෂයක් ලෙස හදුන්වා දීමට අවශ්‍ය කටයුතු කරලා තියෙනවා.

නීතිය නොදැන ගෙනසිටීම නිදහසට කාරණයක් නෙවෙයි.   නීතිය නොදැනගෙන සිටීම නිසා දරුවන් වැරදි කරනවා.

දැන් සමහර අය මේ වන විට අසත්‍ය ප්‍රචාර Fake News අපි ඒකට අවශ්‍ය නීතිගේනවා.

අසත්‍ය ප්‍රචාරවලට දැඩි දඩුවම් ලබා දීමේ නීති මේ දවස්වල සකස් කර ගෙනයනවා.පසුගිය දවසක රත්නපුර කලාපයේ පාසලක ළමයින් හෙල්මට් දා ගෙන පන්තියේ ඉන්නවාමුහුණු පොතේ දාලා තිබුණා.අපි පරීක්ෂණයක් ඉල්ලුවා. 

මේ ආණ්ඩුව අපහසුතාවයට පත් කරන්න මේවාකරන්නේ.ඉතිං ආණ්ඩුව කීයටවත් අපහසුතාවයට පත් වෙන්නේ නැහැ.

අපි සදාකාලිකව ඉන්න ඇවිල්ලාවත් නැහැ.අපි ඉන්න එහෙම බලාපොරොත්තුවක් නැහැ.පුංචි දරුවකුගේ ඔලුවට හෙල්මට් එකක් දාන කොට දරුවා බලනවා මොකද මේ මගේ ඔළුවට හෙල්මට් එකක් දාන්නේ කියලා.

ඊයේ පෙරේදා ෆේස් බුක් එකේ තිබුණා කල්තොට දියවින්න පැත්තේ කට්ටියක් කම්බියක් දිගේ ගග තරණය කරනවා .

අපි පාලම් හතරක් දාලා තියෙනවා මේවා ඉතිං අපි කාට කියන්නදමොකටද මේ විදිහට දේශපාලනය කරන්නේ .දේශපාලනය ඔළුවේ තියා ගෙන වැඩ කරන්න හොද නැහැ.අසත්‍ය ප්‍රකාශ දිගින් දිගටම කර ගෙන යනවා.මේ රජය ආව ගමන් හැදුවේ මාධ්‍ය නිදහසයි.

වැඩියෙන්ම විවේචනයට ලක් වෙන්නේ ජනාධිපතිතුමා අගමැතිතුමා අමාත්‍ය මණ්ඩලයේ අපියි.

අපි ඕනම දේකටසුදානම් වෙලා වැඩ කරන අයයි.අපි මේ කටයුතු කරන්නේ මේ රටේ අනාගතය ගැන හිතලයි.අපිලොකු සභ්‍යත්වයක් ගැන කථා කරනවා.

ඉතිහාසයක් ගැන කථා කරනවා.සිංහල බෞද්ධ කම් ගැන කථාකරනවා.ළගම පාසල හොදම පාසල ව්‍යාපෘතියේ ප්‍රධාන අරමුණ පාසල්වල මේ අනවශ්‍ය තදබදයනවත්වන්න.අපි අපේ වගකීම හරියාකාරව ඉටු කරනවා අපි මේවා කරන්නේ ඔබේ හෙට දවස වෙනුවෙන්බව ද අමාත්‍යවරිය  වැඩිදුරටත් සඳහන් කලාය."

 

මූලාශ්‍ර