Responsive image
English site
English site

දිනය: 12-06-2019 | වේලාව: පෙ.ව 09:41 | 48

ළමා අයිතීන් කඩවීම පිලිබදව පැමිණිලි වර්ෂයකට 9000 ක්

ළමා ශ්‍රමිකත්වයට එරෙහිව ජාත්‍යන්තර දිනය අදට (12) යෙදි ඇත.

''ළමා ශ්‍රමය නිමා කරමු නැවුම් සිහින සැබැ කරමු'' යන තේමාව ඔස්සේ  මෙවර එය සැමරෙන අතර  මීට සමගාමීව ජාතික ළමා ආරක්ෂක අධිකාරිය වැඩසටහන් රැසක් දියත් කර තිබේ.

ළමා අපයෝජන හා විවිධ සමාජ,ආර්ථික,ගැටලු හේතුවෙන් වින්දිත,ආන්තික හා ආනාරක්ෂිතභාවයට පත් වු ළමයිගේ අධ්‍යාපන අයිතිය සුරක්ෂිත කිරිම,ළමයින් ද්විතික වින්දිතභාවයට පත් විම අවම කිරිම හා ළමයා පාසල් හැර යාමේ ප්‍රවණතාවන් අවම කිරිමේ අරමුණින් මෙම විශේෂ වැඩසටහනක් දියත් කර  තිබේ.

මෙම වැඩසටහනේ සමාරම්භක වැඩසටහන 2019.06.05 වන දින මුලතිව් දිස්ත්‍රික් ලේකම් කාර්යාලයේදි පවත්වනු ලැබුවේ ජාතික ළමා ආරක්ෂක අධිකාරියේ සභාපති නීතීඥ එච්.එම් අබයරත්න මහතාගේ ප්‍රධානත්වයෙනි.

එහිදි මුලතිව් දිස්ත්‍රික්කයේ ළමයින් 70 සඳහා පාසල් බෑග්,පොත් ඇතුළු අධ්‍යාපනික උපකරණ බෙදාදීම සිදු කරනු ලැබූ අතර, ජාතික ළමා ආරක්ෂක අධිකාරිය, එහි සේවාවන්, ළමා අපයෝජන හා ඉන් ආරක්ෂා වීම, 1929 ළමා උපකාරක දුරකතන සේවය මෙන්ම ළමයින්ට අවශ්‍ය මනෝ සාමාජීය උපදේශනය ලබා දීම හා හා ඒ වෙනුවෙන් නිර්මාණය කරන ලද අත්පත්‍රිකා  බෙදා දීමද සිදු කරන ලදි.

1929 යන දුරකතන අංකය පැය 24 පුරාම ක්‍රියාත්මක වන අතර මෙ ගාස්තු රහිත සේවාවක් වේ. එමෙන් ම 1929 යන දුරකතන අංක යට වාර්ෂිකව පැමිණිලි 9000කට අධික ප්‍රමාණයක් ලැබෙන අතර ඉන් 1500 ආසන්න ප්‍රමාණයක් අනිවාර්ය අධ්‍යාපනය සම්බන්ධයෙන් රෙගුලාසි කඩවිම සම්බන්ධ පැමිණිලි වෙයි.

මෙවැනි සිද්ධින් අවම කර ගැනීම ගැනිමේ අරමුණින් දැනුවත් කිරීමේ වැඩසටහන දිවයිනේ සියලු ම දිස්ත්‍රික්ක යන් අවරණය වන පරිදි පැවැත් විමට අපේක්ෂා කරන බව ජාතික ළමා ආරක්ෂක අධිකාරිය පවසයි.

 

මූලාශ්‍ර